Pages

Thursday, December 8, 2011

छेउँ न टुप्पो !!

हिमाल पहाड र तराईको भेषमा
प्रधान मन्त्रीले नै मन्त्रीको नाम नजान्ने देशमा
बन्द हुन्छ,
जहाँ कुखुरा मरेको केसमा
कसको हाँसो चोरेर ल्याउनु अब नेपालीको फेसमा ?


बिहानीको उषासंगै
पेटमा मुसा दौडिन थाल्छ,
हाम्रो भर्खर जन्मेको टुसा पनि कुपोषणले ग्रस्त भएर
दिसा गर्न नसकेर मृत्युलाई बोलाउन थाल्छ !!

बुद्ध जन्मेको भन्दै अब कति हाँसु
सगरमाथाको हिउँ पग्ले सरि बग्दछन आँशु,
भ्रष्ट देशका भोका नांगा हामी
बाँच्नु पर्ने छ,
एक दिन खाएर अब आफ्नै मासु !!


कसैले पजेरो र प्राडो फेरेर भ्याछैन
कसैले भने एक जोर चप्पल नि ला'छैन
बच्चै देखि गाएको राष्ट्रिय गान,
फेरिए पछी बुडा-पाकाले अहिले सम्म घोक्न पा'छैन !!

माग्ने हैन
देशलाई दिने हो रे
नेताहरुले चाँही सके जती लिने हो रे
हाम्ले,
न माग्न सकिन्छ न लिन नै
न त तिर्न सकिन्छ यो टाउका माथिको ऋण नै,
यसरी नै हाम्रो ढाड भाँची रहोस,
वरी-परी मृत्यु सधै नाची रहोस,
म मरे पनि मेरो देश बाँची रहोस ! बाँची रहोस !! बाँची रहोस !!